Gult farevarsel: Kraftige vindkast i store delar av Vestland

Frå natt til måndag til måndag ettermiddag er det venta lokalt kraftige vindkast på 27–30 m/s frå søraust. Før vinden treff bør ein sikre lause gjenstandar som kan blåse vekk, tilrår Meteorologisk institutt. Kraftig vind og snøfokk kan føre til stengde vegar, bruer og fjellovergangar. Instituttet skriv òg at ein bør rekne med lengre reisetid og moglege innstillingar i fly- og båttrafikken. Det er òg fare for straumbrot dersom tre knekker over straumnettet.