Høgste medlemstal på 40 år

Dei siste åra har medlemstalet i Mållaget auka kraftig. Denne veka nådde organisasjonen det høgste medlemstalet på 40 år, heile 16 426 medlemer. No er Mållaget over 2000 fleire mållagsmedlemer enn for fem år sidan, 4000 fleire enn for ti år sidan, og 6000 fleire enn for tjue år sidan. – Folk ser at arbeidet vårt fungerer. Mållaget står bak viktige gjennomslag for nynorsken både lokalt, regionalt og nasjonalt. Fleire medlemer er med på å gjere alt dette mogeleg, seier Peder Lofnes Hauge, leiar i Noregs Mållag.