Fjellovergangen Valdresflye er vinterstengt

Fylkesveg 51 over Valdresflye i Innlandet vart vinterstengt laurdag formiddag. Først kom meldinga om at fjellovergangen ville halde stengt grunna uvêret som har treft store delar av Innlandet. Så meldte Vegtrafikksentralen om at det er bestemt å vinterstenge. – Det er jo sånn at Valdresflye blir vinterstengt på eit eller anna tidspunkt. Vi fikk først melding i dag om at det var stengt grunne uvêr. Så kom vinterstengt-meldinga noko seinare, seier Gunnar Dovland, trafikkoperatør i Vegtrafikksentralen i øst.