Urnes stavkyrkje får 1,8 millionar kroner

Urnes stavkyrkje i Luster får 1,8 millionar kroner til tjærebreiing. Totalt skal Riksantikvaren bruke 7,2 millionar kroner i år og neste på sette i stand stavkyrkjer, og Urnes får den største potten. Heile kyrkja skal tjærebredast, og det er naudsynt med varsam behandling av spesialistar for å ta vare på den kjende Urnesportalen. Riksantikvar Hanna Geiran seier at kyrkja, som er frå kring 1130, har svært stor betydning som nasjonalt kulturminne, og kyrkja har verdsarvstatus.