Uthuset til Oilers-eigar totalskadd i brann

Annekset til gründeren og Stavanger Oilers-eigaren Tore Christiansen blei totalskadd i ein brann søndag. Politiet trur det dreier seg om ein pipebrann. Christiansen fortel til NRK at han berre skulle fyre på peisen, men så begynte det å lukte rart, og han såg at det kom mykje røyk frå området rundt pipa. Han seier han vil rose brannvesenet for arbeidet dei gjorde. – Dei klarte å avgrense brannen til uthuset og hindre at han spreidde seg til hovudhuset, som ligg like ved sidan av, seier Christiansen.