Nytt klimasamarbeid mellom staten og byggenæringa

Staten og byggenæringa har signert ein avtale for å samarbeide tettare om å kutte utslepp og sikre grøn omstilling. – Byggenæringa er ei næring med eit betydeleg klimafotavtrykk, men med ein vilje til å ta i bruk ny teknologi for å kutte sine utslepp og skape nye moglegheiter. Med denne avtalen skal vi saman få opp tempo i utsleppskutt og omstilling av næringa, seier klima- og miljøminister Tore O. Sandvik (Ap). Avtalen tek utgangspunkt i eit felles kunnskapsgrunnlag som blei lagt fram av partane i juni.