Begge ankar etter gruppevaldtektssaka

Begge dei to som er dømde for grov valdtekt og medvirkning til valdtekt av ei jente under 14 år i Molde, ankar dommen. Ein 19 år gamal mann blei dømd til fengsel i 5 år, ein 18-åring til 5 1/2 år. Forsvarar for 19-åringen, Axel Lange, seier han er usamd i dommen og vurderingane til retten, men ønskjer ikkje å utdjupe dette. Frå før er det kjent at også 18-åringen ankar. Valdtekta skjedde utanfor Molde domkyrkje i fjor sommar, midt på dagen. Ein gutegjeng på fem var på ulike måtar involvert, men dei tre yngste var for unge til å dømmast.