Scandic får truleg krevje avgifter på Nordkapplatået

Formannskapet i Nordkapp sa tysdag ja til søknaden frå Scandic Hotels om å krevje inngangspengar og parkeringsavgift fram til 2026. Forslaget blei vedtatt med fire mot tre stemmer. – Vi meiner at saksbehandlinga har vore mangelfull. Vårt ønske var at saka blei sendt tilbake til kommunedirektøren. Det seier Ynge Kristiansen i Nordkapp SV. SV og Senterpartiets tre medlemmer stemte imot kommunedirektørens forslag om å gi Scandic medhald. Fleirtalet på fire i Ap og Høgre stemte for. Sjølv om formannskapet no har sagt ja, er det ikkje avgjort.