Politiet bruker tåregass mot demonstrantar i Georgia

Politiet bruker tåregass og sjokkgranatar mot demonstrantar som onsdag kveld har samla seg i gatene i hovudstaden Tblisi i Georgia, melder Reuters. Demonstrantane protesterer mot eit nytt lovforslag som krev at organisasjonar og verksemder som får meir enn 20 prosent av finansieringa si frå utlandet, må registrere seg som utanlandske agentar. Eit fleirtal i nasjonalforsamlinga stemte onsdag for det omstridde lovforslaget. Det gjorde at titusenvis av demonstrantar samla seg utanfor nasjonalforsamlinga for å protestere.