Kong Charles tilbake på jobb tysdag

Kong Charles av Storbritannia er tilbake på jobb tysdag for fyrste gong sidan han fortalde at han har kreft. Det skriv Sky News. I februar annonserte kongen at han har kreft, og har i ettertid fått mykje skryt for openheita si. Det fyrste oppdraget hans er å besøka eit behandlingssenter for kreftpasientar. Det britiske kongehuset har tidlegare sagt at legane til kongen er nøgde med framgangen hans, men at programmet hans skal verte tilpassa så det ikkje kjem i veg for helsa hans.