Skottlands førsteminister kan gå av måndag

Førsteminister i Skottland Humza Yousaf vurderer å gå av no i staden for å gå gjennom to mistillitsforslag i løpet av veka, skriv BBC. Men han har ikkje teke noko avgjerd, ifølge kringkastaren. Yousaf leiar Det skotske nasjonalistpartiet (SNP). Torsdag rakna regjeringskoalisjonen partiet hadde med Dei grøne på grunn av usemje om klimapolitikken. Både dei konservative og Labour har fremja mistillitsforslag mot Yousaf og regjeringa. Det er også eit alternativ å søke støtte hos partiet Alba, som blir leia av SNPs tidlegare leiar Alex Salmond.