Чоловиќ Лешоска: Ако се загади Рашче, водата нема да може да се користи ни како техничка

Депонијата со стотици илјади кубни метри јаловина од хром кај поранешниот Југохром со години се посочува како потенцијална опасност за изворот Рашче, од кој се снабдува Скопје со вода за пиење. Ана Чоловиќ Лешоска - биолог од граѓанската организација Еко-свест, во интервју за РСЕ вели дека доколку дојде до загадување со шестовалентен хром, водата од овој извор не би можела да се користи ниту како техничка, што би значело неповратно губење на најважниот воден ресурс за главниот град.