Трамп воведува дополнителни царини од 10% по одлуката на Врховниот суд

Американскиот претседател Доналд Трамп објави дека потпишал извршна наредба со која му се дозволува да го заобиколи Конгресот и да воведе данок од 10 проценти на увозот од целиот свет, по одлуката на Врховниот суд на САД со која се поништи широк спектар на тарифи што ги наметна минатата година на голем број земји. Трамп беше огорчен од одлуката на Врховниот суд, која ја критикуваше остро, објави Бета. Тој рече дека е „засрамен“ од судиите кои гласаа за поништување на неговите сеопфатни тарифи и ја нарече одлуката „длабоко разочарувачка“.