Приведен осомничен за убиство на 78-годишна жена во кумановско

Кумановска полиција приведе 25 годишно момче во општината Старо Нагоричане осомничен за убиство на 78 годишна жена. Според сопштението на Секторот за внатрешни работи во Куманово, осомничениот на 12 февруари влегол во домот на жената и физички ја нападнал, по што ја задушил со перница. „Жртвата починала на самото место“ се вели во соопштението. Според полицискиот билтен осомничениот бил гонет за повеќе дела, меѓу кои и низа тешки кражби низ околните села во општината. Тој бил приведен во текот на вчерашниот ден.