Нова блокада на ССМ напладне, бараат повисоки плати

Сојузот на синдикати денеска напладне ќе ја реализира втората од најавените три блокади барајќи зголемување на минималната плата на 600 евра и на сите останати плати за 6000 денари. По блокирањето на влезовите на македонското Собрание во понеделникот, денеска 12 февруари, ќе биде блокирана Стопанската комора во центарот на Скопје. Блокадата на Комората е поради, како што велат од ССМ, тоа што работодавачите не сакаат да ги зголемат платите на работниците кои барајќи подобра егзистенција бегаат надвор од државава.