Граѓани повторно протестираа против цементарница „Усје“

Со транспаренти „Профит за Усје, болести за нас“, „Дишеме отров“ и „Воздухот не е луксуз, туку наше право“, граѓани и еколошки активисти денеска протестираа пред Владата, барајќи затворање на цементарницата „Усје“ поради загадувањето на воздухот. Учесниците на протестот порачаа дека економскиот профит не смее да биде над здравјето на граѓаните и оти институциите имаат обврска да понудат конкретни решенија за заштита на животната средина. Тие обвинија дека надлежните го штитат интересот на компанијата, наместо здравјето на жителите на Скопје.