Убедлива победа на „Самоопределување“ - се отвора пат за формирање нова влада на Косово

Лидерот на Движењето Самоопределување, Албин Курти, во неделата прогласи победа на изборите, наведувајќи дека станува збор за „најголемата победа во историјата на земјата“, откако Централната изборна комисија (ЦИК) соопшти дека таа партија, врз основа на 96,13 отсто преброени гласови, освоила 49,80 отсто од гласовите. На второто место е Демократската партија на Косово (ДПК) со 21,18 отсто, а следуваат Демократскиот сојуз на Косово (ДСК) со 13,77 отсто и Алијансата за иднината на Косово со 5,74 отсто.