Од соништа за „калифат“ до живот со трауми: Исповед на Босанки кои живееле во Сирија

„Првиот ден кога дојдов во Сирија, веднаш сфатив што направив. Бев како роб... Никогаш не излегував сама од куќата. Немаше начин дури ни да ја отворам вратата“, раскажува Сухејла, 39-годишна Босанка која поминала низ радикализација, војната во Сирија во рамките на терористичка група и се вратила во Босна и Херцеговина. Таа е една од малку повеќе од десетина жени кои успеале да се вратат во БиХ со слични животни избори и судбини, чии приказни главно остануваат зад статистиката за странски борци, „џихадисти“, терористи.