Зошто учениците не се писмени колку што се одлични?

Ученик од основно за да се запише во посакуваното средно училиште и потоа на факултет, потребни му се високи оценки. Трката по просек прави притисок врз родителите, врз наставниците и врз учениците, кои иако одлични на хартија, на тестови покажуваат дека немаат реално знаење. Во нашиот систем целиот фокус е ставен само на високите оценки, тој концепт треба да се менува, вели професорот Кирил Барбареев.