„Инклузива“: Да се подобри пристапноста на гласачките места за лицата со попреченост

Напредокот е видлив, но потребно е дополнително да се подобри пристапноста на гласачките места за лицата со попреченост, оценија денеска (31 октомври) од Здружението за промоција и развој на инклузивно општество „Инклузива“ Куманово. Дел од гласачките места во првиот круг од локалните избори останаа непристапни за лицата со попреченост. Од здружението „Инклузива“ укажаа дека параваните за гласање не биле соодветно поставени, а во некои објекти гласањето се одвивало на вториот кат, без функционални лифтови.