СЗО: Над 15 милиони тинејџери ширум светот користат електронски цигари

Најмалку 15 милиони луѓе на возраст од 13 до 15 години користат електронски цигари низ целиот свет, при што веројатноста кај младите да користат е-цигари е за девет пати поголема од возрасните во земјите за кои постојат податоци, соопшти Светската здравствена организација (СЗО) на 6 октомври, пишува Ројтерс. Во својата прва глобална проценка за употребата на е-цигари, СЗО наведе дека повеќе од 100 милиони луѓе ширум светот користат електронски цигари, вклучително најмалку 86 милиони возрасни, претежно во земјите со високи приходи.