Жељазков: Нема докази за нарушување на ГПС сигналот на авионот на Фон дер Лајен

Бугарскиот премиер Росен Жељазков изјави дека авионот со кој патувала претседателката на Европската комисија, Урсула фон дер Лајен, бил постојано воден од Управата за воздухопловна навигација (РВД), со исправни системи и видлив за системите за набљудување на воздушниот простор. Забавувањето на летот било околу пет минути, што е во рамките на дозволеното, рече Жељазков од собраниската говорница, одговарајќи на прашања од пратеникот Атанас Атанасов од „Продолжуваме со промените-Демократска Бугарија“.