Независните кандидати за градоначалници може да ја поматат водата на партиите

Вкупно 69 претенденти за независни кандидати во 38 општини, како и 68 листи за 34 општини се пријавиле во ДИК. Меѓу нив само седум жени со намера да станат градоначалнички, како и девет носителки на листи за советници. Претседателот на Институтот за демократија, Марко Трошановски, смета дека може да земат гласови бидејќи дел од електоратот веќе ја изгубил довербата во партиите.