Иранскиот претседател го потпиша указот за суспендирање на соработката со Агенцијата за атомска енергија

Иранскиот претседател Масуд Пезешкијан го потпиша указот за суспендирање на соработката меѓу Иран и Меѓународната агенција за атомска енергија (МААЕ), јавува АФП. „Пезешкијан го издаде указот за суспендирање на соработката со МААЕ“, се наведува во соопштението. Агенцијата наведува дека, по израелските и американските напади врз нуклеарните постројки на Иран, пратениците усвоија закон насловен како „Суспендирање на соработката на Исламската Република со Меѓународната агенција за атомска енергија со барање за две итни мерки“.