Социјалистите на Еди Рама водат на парламентарните избори во Албанија

Според официјалните резултати објавени од албанската Централната изборна комисија, до денеска претпладне (12 мај), избројани се гласачките ливчиња од 1624 гласачки места или 31,07 отсто од вкупно 5225 на колку што се гласаше во текот на вчерашниот ден. Податоците од до сега преброените гласачки ливчиња потврдуваат дека Социјалистичката партија, која е во коалиција единствено со партијата на Македонците, Македонска алијанса за европска интеграција (МАЕИ), освоила 83 мандати, а најдобри резултати постигнала во Тирана, Фиер, Драч и Елбасан.