Американскиот кардинал Роберт Превост е новиот папа

Новиот папа е Роберт Френсис Превост, поранешен американски кардинал. Неговото папско име е Лав XIV. Во 19:13 часот кардиналот објави на балконот: „Хабемус Папа“. Папата Лав XIV им се обрати на собраните и рече дека Црквата мора да гради мостови и единство. Со бел чад над Систинската капела и со ѕвонењето на камбаните на базиликата „Свети Петар“ во четврток попладне, граѓаните на Рим и светот беа информирани дека е избран 267-от поглавар на Римокатоличката црква, наследникот на популарниот папа Франциск.