Шестото барање на српските студенти во блокадите е за посетата на Вучиќ на повредените македонски пациенти

Српските студенти во блокадата го објавија своето шесто барање, барајќи отстранување на оние што ги сметаат за одговорни за посетата на претседателот на Србија, Алескандер Вучиќ, на повредените во пожарот во клубот „Пулс“ во Кочани. По пожарот во дискотеката во кој загинаа 61 лице, дел од тешко повредените пациенти се пренесени на лекување во Белград. Тие беа сместени во одделението за интензивна нега на Ургентниот центар на Универзитетскиот клинички центар на Србија (УКЦС), каде Вучиќ заедно со медиумски тимови ги посети на 17 март.