Дебата за Законот за медиуми: Регистрација без услов за вработени

Регистрацијата на онлајн медиумите не треба да биде условена со бројот на вработени, туку да се фокусира на транспарентноста на сопственоста, импресумот и регистриран мкд домејн. Ова беше ставот на повеќето учесници на панел-дискусијата организирана од Самостојниот синдикат на новинари и медиумски работници (ССНМ) за предложените измени на Законот за медиуми. Според учесниците, построгите критериуми, како број на вработени, треба да важат само ако медиумите аплицираат за државни субвенции или кампањски средства.