Потврдени конечните изборни резултати во Косово

Косовската Централна изборна комисија (ЦИК) денеска ги потврди резултатите од парламентарните избори одржани на 9-ти февруари, отворајќи го патот за формирање на нови институции. ЦИК на седницата одржана во четвртокот со 9 гласа „за“ и 2 „против“ ги потврди конечните изборни резултати. Двајца членови на ЦИК од Движењето Самоопределување, Сами Куртеши и Албин Красниќи, се спротивставија на потврдувањето на резултатите, иако Врховниот суд ја одби нивната жалба за поништување гласовите преку пошта и повторување на гласањето.