Заврши протестот во Скопје: Свеќи за жртвите во Кочани, свирежи за системот

Од плоштадот Македонија, во центарот на Скопје, до зградата на Владата, вечерва се одржа граѓански протестен марш под мотото „Системот е следен“, на кој беше побарана одговорност за трагедијата во Кочани. Во пожарот во дискотеката Пулс во Кочани, ноќта меѓу 15 и 16 март, загинаа 59 млади луѓе, а над 190 беа повредени. Дел од повредените се лекуваат во Клиничкиот центар во Скопје, а дел се во болниците во десетина држави во соседството и во Европа. По пожарот беше отворена истрага во која беа приведени десетина осомничени за случајот...