Граѓани протестираат против владејачката партија во Белград

Околу стотина граѓани се собраа на 23 март во близина на пазарот Калениќ во Белград на протест против активистите на владејачката Српска напредна партија (СНС) кои поставија партиски штандови. Како што јави новинарот на Радио Слободна Европа (РСЕ) од местото на настанот, граѓаните скандираат „Крадци, крадци“ и прават врева со свирежи и вувузели. Досега немало никакви инциденти. Меѓу активистите на СНС е и Горан Караџиќ, поранешен кошаркар на Сојузна Република Југославија. Тој се појави обвиен во српското национално знаме, со кренати три прста.