Турција уапси 343 лица поради протестите за притворањето на градоначалникот на Истанбул

Турските власти уапсија 343 лица за време на ноќните протести во неколку градови против приведувањето на градоначалникот на Истанбул Екрем Имамоглу, соопшти во саботата Министерството за внатрешни работи, јавува Ројтерс. Демонстрации се одржаа во повеќе од десетина градови, вклучително и најголемиот турски град Истанбул и главниот град Анкара, се вели во соопштението на Министерството. Се вели дека притворањата се направени за да се спречи „нарушување на јавниот ред“ и предупреди дека властите нема да толерираат „хаос и провокација“.