Загинатите во пожарот во Кочани ќе бидат погребани денеска

Загинатите во пожарот во дискотеката „Пулс“ во Кочани денеска ќе бидат погребани. Во трагедијата што се случи во неделата рано наутро загинаа 59 лица, а над 150 се повредени. Погребните церемонии ќе бидат во 11 часот во Штип, во 12 часот во Кочани и во 13 часот во село Облешево, додека погребите на други места од каде што има починати ќе бидат во различни временски периоди. Штип ќе се прости од петмината загинати во пожарот, а Пробиштип од тројцата свои сограѓани кои загинаа во трагичната несреќа.