Временска прогноза: Променливо облачно со дожд и снег

Временската прогноза за денеска предвидува променливо облачно време со повремени врнежи од дожд, додека на планините и повисоките места се очекува снег. Ќе дува слаб до умерен ветер, главно од северен правец. Во текот на ноќта, врнежите ќе станат пообилни, а во северните делови дождот ќе преминува во снег, дури и во пониските места. Утринските температури ќе се движат од 0 до 5 степени, а дневните ќе достигнат вредности меѓу 4 и 12 степени. Во Скопје времето ќе биде претежно облачно, со повремени слаби врнежи од дожд.