Згрижувачки семејства во Крушево - отворени домови и отворени срца за лицата со попреченост

Во домовите на Домница и Елпиники од Крушево живеат деца со попреченост. Велат дека ги сакаат како свои иако не ги родиле. Нивните, се едни од дваесетина згрижувачки семејства во градот. Во целата држава има околу 360, а бројот последниве години расте. Има предизвици, но ниту еден не е поголем од љубовта која дава сила сѐ да се надмине, порачуваат згрижувачките кои освен своите домови ги отвориле и своите срца.