Мицкоски: Не е потребен ветинг во судството

Овој состав на Судскиот совет можеби има легалитет, но нема легитимитет кај граѓаните, вели премиерот Христијан Мицкоски во новогодишното интервју за МИА. Нагласува дека кадровскиот потенцијал којшто треба да го освежи ова тело навистина треба да биде со импозантна цел и агенда пред себе, но и институционална меморија позади себе, односно да има биографија и тежина, бидејќи, како што посочи, „ако ние едните ги замениме со други, а останат навиките исти и начинот на однесување не сме направиле ништо“.