Податоците за вистинските сопственици на фирмите не се користат во борбата против корупција, алармираат невладините

Надлежните институции во земјава малку ги користат податоците за вистинските сопственици во насока на спречување, откривање и санкционирање на перењето пари и во борбата против тероризмот, а се чини, воопшто не ги користат за други цели и за спречување корупција, криминал и злоупотреби во другите области. Ова се наодите од анализата на користењето на податоците за вистинските сопственици во борбата против корупцијата во државава на Центарот за граѓански комуникации, Здружението на даночни советници и Активо.