„Букинг“ најави реорганизација на своето работење

Платформата за резервации за сместување booking.com (Букинг) најави реорганизација на своето работење, сигнализирајќи дека може да ги намали работните места, пренесува Ројтерс. Анализата на бизнисот штотуку започна и се уште не е донесена конкретна одлука, соопштија преку електронска пошта од компанијата, членка на групацијата Букинг Холдингс. „Ова е тежок, но неопходен проактивен чекор што треба да ја гарантира агилноста на „Букинг“ во високо конкурентен сектор и иновации фокусирани на клиентите“, се вели во извештајот.