Со какви предизвици почнува новата учебна година?

Без учебници по странски јазици, очекувања за поголеми плати на наставници, но и стравувања дека егзодусот на населението ќе ги испразни училиштата и професорите ќе нема на кого да му предаваат, ќе стартува новата учебна година. За само една учебна година, во Северна Македонија, бројот на основни училишта се намалил за 11, а бројот на ученици паднал за 3.000. Се очекува трендот да биде таков и годинава.