Собранието одлучи да распише оглас за наследник на Јовевски

Со 88 гласа „за“ пратениците во Собранието денеска (27 ноември) одлучија да се распише оглас за именување на нов државен обвинител бидејќи на крајот на декември годинава завршува шестгодишниот мандат на актуелниот обвинител Љубомир Јовевски. Сега, парламентот ќе треба да го објави огласот во „Службен весник“ и во најмалку два дневни весници со што ќе почне да тече рокот од 15 дена за поднесување на пријавите од кандидатите. Јовевски беше именуван за јавен обвинител на 25 декември 2017 година.