Carte blanche vum Françoise Hetto: Mat de Kanner schwätzen

Zanter méi wéi 40 Joer gëtt et de Bilan 30, e gratis Depistage, wou dem 30 Méint ale Kand seng Sproochkompetenzen a senger Mammesprooch getest ginn. Dëse Bilan ass gratis an d’Eltere ginn automatesch vum Service audiophonologique invitéiert. Et ass de Schlësselalter fir d’Evolutioun vum Vocabulaire an der Sazbildung festzestellen. Leider huele just knapps 40% vun den Eltere mat hire Kanner dorunner deel. Ma deem soll elo opgehollef ginn.