Орусияда накталай акчага суроо-талап өстү

Орусия банкы март–апрель айларында накталай акчага болгон суроо-талаптын өсүшүн каттады жана бул көрүнүштү башка факторлор менен катар мобилдик интернеттин үзгүлтүккө учурашына байланыштырды. Бул тууралуу негизги пайыздык ченди талкуулоо резюмесинде айтылат. "Катышуучулар белгилешкендей, бул көрүнүш салыктык өзгөрүүлөргө ыңгайлашуусу, интернеттин убактылуу өчүшү жана калктын санариптик инфраструктурадан көз каранды болбогон төлөм каражаттарын запаста кармоого умтулушуна байланыштуу болушу мүмкүн", - деп айтылат билдирүүдө.