Иран АКШнын cогушту токтотуу боюнча сунушун карап жатат

Тегеран АКШнын согушту токтотуу боюнча соңку сунушун алып, аны менен таанышып жатат. Бул тууралуу Ирандын мамлекеттик ISNA агенттиги Тышкы иштер министрлигинин өкүлү Эсмаил Багаиге таянып кабарлады. Ошол эле маалда ал сунушта кабыл алынгыс айрым жоболор бар экенин кыйытты. Багаи “акыркы чечим кабыл алынгандан кийин” Тегеран өз позициясын сүйлөшүүлөрдө ортомчу болуп жаткан Пакистан аркылуу жеткирерин айтты. АКШ президенти Дональд Трамп Пакистандын ортомчулугу менен жүрүп жаткан сүйлөшүүлөр жакшы нукта өнүгүп жатканын билдирди.