Трамптын кайрылуусунан кийин Ирандагы согуш басаңдаган жок

Кошмо Штаттардын президенти Дональд Трамптын элге кайрылуусунан кийин АКШ менен Израилдин Иранга каршы согушу басаңдаган жок. Тескерисинче, аба соккулары тууралуу маалыматтар чыгып, Тегеран катуу эскертүү жасады. Ошондой эле АКШнын Ирактагы жарандарына Багдадда жакынкы 24–48 саат ичинде иранчыл топтор тарабынан чабуул болушу мүмкүн деген эскертүү берилди. "Азаттыктын" «Фарда» кызматы билдиргендей, 2-апрелде социалдык тармактарда Ирандын түндүк-чыгышындагы Мешхед шаарындагы эл аралык аэропорттон түтүн көтөрүлгөнүн чагылдырган сүрөттөр тарады.