Бишкекте китеп окуу декадасы өтөт

10-апрелден 20-апрелге чейин Бишкек шаарында Окуу декадасы өтөт. Мэриянын Билим берүү департаменти иш-чара эл аралык Китеп күнүнө карата уюштурулуп жатканын билдирди. Демилгенин алкагында шаардагы бардык мектептерде жана бала бакчаларда балдардын окууга кызыгуусун арттырууга багытталган маданий-агартуу иш-чаралары өтөт. Анын ичинде адабий сааттар жана китеп көргөзмөлөрү, белгилүү жазуучулар менен жолугушуулар, көркөм окуу сынактары жана "Бирге окуйбуз" акциялары, интерактивдүү сабактар жана тематикалык викториналар уюштурулат.