Казакстандын батыш аймагына дрон кулады

25-мартта Казакстандын Батыш Казакстан облусундагы Акжайык районуна караштуу Карауылтөбе айылынын аймагында жергиликтүү тургундар кулаган дрон табышкан. Облустук полиция департаменти билдиргендей, бул факт боюнча тиешелүү иштери жүргүзүлүп жатат. «Объект калктуу конуштан тышкары жерде табылган. Окуянын бардык жагдайлары такталып жатат», - деп билдирди полиция. Казакстанда кулаган дрондор табылган учурлар буга чейин да көп катталган. 2025-жылы эле Батыш Казакстан облусунда кеминде беш учкучсуз аппараттын калдыктары табылган.