Кемпир-Абад иши боюнча кийинки жараян 27-мартка белгиленди

Бишкек шаардык сотунда 25-мартта Кемпир-Абад иши боюнча соттук отурум болду. Анда бул иш боюнча акталган ондон ашык саясатчы, активист жана укук коргоочу суралды. Саясатчы Жеңиш Молдокматов жана активист Эрлан Бекчоро уулунун адвокаты Кантемир Турдалиев кийинки отурум 27-мартка белгиленгенин, анда чечим чыгышы мүмкүн экенин соттук жараяндан кийин "Азаттыкка" билдирди. Кыргыз-өзбек чек арасындагы Кемпир-Абад суу сактагычынын жери Өзбекстанга өтүп жатканына каршы пикирин билдирген 27 саясатчы, активист...