Орозо айт күнү коомдук тартипке 10 миңдей милиционер көз салат

Кыргызстанда Орозо айт күнү коомдук тартипти көзөмөлдөөго 10 миңден ашуун милиционер тартылат. Бул тууралуу Ички иштер министрлиги (ИИМ) 17-мартта маалымдады. Министрлик жарандарды коомдук тартипти сактоого, бири-бирине урмат-сый мамиле кылууга жана укук коргоо органдарынын кызматкерлеринин мыйзамдуу талаптарын аткарууга чакырды. Быйылкы Ороз айт майрамы 20-мартка белгиленген. Бул күнү Айт намаздары мечиттерде гана өткөрүлөрү эскертилген. Орозо айы быйыл 19-февралда башталган. Кыргызстанда соңку...