УКМК Куванычбек Конгантиевдин кармалышы боюнча комментарий берди

Улуттук коопсуздук боюнча мамлекеттик комитет (УКМК) Жогорку Кеӊештин мурдагы депутаты Куванычбек Конгантиевдин кармалышы тууралуу комментарий берди. Атайын кызмат тараткан маалыматка ылайык, ал аффилирленген жеке жана юридикалык жактарды пайдаланып, жер тилкелерине байланышкан мыйзамсыз схемаларды уюштурган деп шек саналууда. Бул факты боюнча 10-мартта кылмыш иши козголгон. Иш кайсыл берене менен ачылганы белгисиз. Куванычбек Конгантиев УКМКнын убактылуу кармоочу жайына киргизилип, тергөө иштери уланып жатат.