Президент айрым депутаттар "элди бөлүп-жарууга" аракет кылганын айтты

Президент Садыр Жапаров 11-мартта Жогорку Кеӊеште жасаган билдирүүсүндө депутаттарды “элди бөлүп-жарбоого” чакырды. Мамлекет башчы акыркы беш жылда өлкөдө түндүк-түштүк деп бөлүнүүнү жок кылуу үчүн акимдерди, сотторду ротация кылып, ал жыйынтыгын берип жатканын айтты. “Жакында Жогорку Кеӊеште бир окуя болду. Аны баарыӊыздар жакшы билесиздер. Айрым депутаттар “тигил тарап, бул тарап” деп бөлүүгө аракет кылышты. Бирок убагында токтотуп калдык. Мага элдин элегинен өтүп шайланып келген эл өкүлдөрү сиздер...